HARRESIRIK EZ!

Egoera ez da batere erreza gure artean dokumentazioa gabe bizi den jendearentzat. Hori jakin badakigu gehiengok ezagutuko dugulako beldurraren menpe bizi den etorkinik. Baina badira egoera latzagoetan bizi direnak ere.
Badira euren herrietatik alde egin behar dutenak beraien bizitza arriskuan dagoelako, beraien egoera ekonomikoa ezin txarragoa delako, badira bizi maila hobeago baten eta ongizatearen bila alde egiten dutenak.

Bidai gogor eta beldurgarri baten ostean heldu dira Afrikako Malitik, Gambiatik, Kamerunetik, Senegaletik,... Ceuta eta Melillako harresietara. Euren helburua europan sartzea da eta ez dira geldituko. Ez dago migrazioak gelditzen dituen harresirik. Ez dago etorkinen sarrerak geldituko duen jipoirik. Ez dago migrazioa fluxuen kontrola lortu dezakeen legerik. Ez dago hainbat etorkinen proiektua zapalduko duen ejertzitorik.

Inmigrazioa errealitate bat da. Mugimendu migratorioak gertatzen dira eta jarraituko dira gertatzen. Jendea iristen jarraituko da eta hartu beharreko neurri politikoak ezin dira bide polizial, militar eta eskubideen zapalkuntzan oinarritu.

Gobernu Espainolak beste nolabaiteko neurriak hartu beharko ditu. Inmigrazioaren inguruko hausnarketa sakonagoa egin beharko du. Sarrera bide berriak zabaldu eta erreztu beharko ditu oinarrizko eskubideak ukatu nahi ez baditu. Marokoko gobernuarekin zein EBeko beste herriekin adostu beharreko neurriak benetazko lankidetzaren norabidea hartu beharko dute Herri bakoitzak bere ardura hartuz. Salatzekoa da beraz espainar gobernuak hartu dituen erabakiak: harresi ingurura ejertzitoa bidaltzea, harresia handitzea eta indartzea, poliziaren indarkeria babestea, xenofobia eta etorkinenganako beldurra sustatzea, Marokoko gobernuarengan ardura osoa uztea...

Salatzekoa da baita komunikabideak egiten ari diren informazio trataera ere. Ez da inbasiorik existitzen migrazioak errealitate historikoa da, ez dago “avalancharik” Espainiako mugetan. Badago ordea giza eskubideen zapalketa argia, hilketen eta jipoiketen informazio falta, kanporaketa ilegal etengabeak, ... Hau da hain zuzen ere hedabideek zabaldu behar duten informazioa.

Estatu Espainolak eta bere Atzerritarren legeak sarbide legalak, normalizatuak bideratzen ez dituen bitartean jendea sarbide arriskutsuagoak bilatuko ditu. Atzerritarren legeak ez ditu inolaz ere mugimendu migratorioak erregulatuko, beraz beste nolabaiteko politika egiteko garaia da. Giza eskubideak errespetatu daitezela behin betiko.

Joanes Allende Enciendo

SOS Arrazakeriako kidea

30.670.939 – W

Bidebarrieta 3 – 4º E – 48005 Bilbao. 685725572. joalen23@yaho

HARRESIRIK EZ!

Destacamos