Argitaratua 2013(e)ko Otsailaren 14, 10:25

Iturria: Berria

Erredakzioa Bilbo

 Etorkin bat «modu irregularrean» atxilotzea eta kanporatzea egotzi dio Bizkaiko SOS Arrazakeriak Espainiako Poliziari. Azaroan Zorrotzaurren (Bilbo) eginiko sarekadan identifikatu zuten herenegun atzemandako atzerritarra; paperik ez zuela-eta, kanporatze agindua ezarri zioten —legez, deliturik ezean, isun bat jarri behar liokete—, baina ez zioten oharra helarazi. Hain justu, ohartarazpena emateko atxilotu zuen Poliziak, SOS Arrazakeriaren arabera: «Fede txarrez jardun dute. Oharrok etorkinen abokatuei bidal diezakiekete, helegitea aurkeztu ahal izan dezaten». Era berean, elkarteak azaldu du etorkinak Ertzaintzaren kontrako salaketa jarria zuela, irailaren 26ko greban ustez pilotakada batek eragindako zauriengatik.

Argibide gehiago

Bizkaiko SOS Arrazakeria

Patxi de la Fuente

Brigida Ridruejo